अनन्त इङ्गलिस स्कुलको ३३औँ वार्षिकोत्सव तथा अभिभावक दिवस सम्पन्न

ललितपुरको महालक्ष्मी नगरपालिका-६ स्थित अनन्त इङ्गलिस स्कुलले आफ्नो ३३औँ वार्षिकोत्सव तथा अभिभावक दिवस भव्य रूपमा सम्पन्न गरेको छ। प्रमुख अतिथि PABSON का केन्द्रीय उपाध्यक्ष श्री ईश्वर बहादुर गुरुङले उद्घाटन गर्नुभएको कार्यक्रममा विद्यार्थीहरूले सांस्कृतिक नृत्य, गीत, नाटक र कविता प्रस्तुत गरेका थिए। विद्यालयले विशिष्ट व्यक्तित्वहरूलाई सम्मान गर्दै गुणस्तरीय शिक्षा प्रदान गर्ने प्रतिबद्धता व्यक्त गरेको छ।

ललितपुरको महालक्ष्मी नगरपालिका-६ स्थित अनन्त इङ्गलिस स्कुलले आफ्नो ३३औँ वार्षिकोत्सव तथा अभिभावक दिवस विद्यालय प्राङ्गणमा भव्य समारोहका साथ सम्पन्न गरेको छ। विद्यालयको वार्षिक उत्सवलाई अझ आकर्षक बनाउन विद्यार्थीहरूको रचनात्मक प्रस्तुती, अतिथिहरूको गरिमामय उपस्थिति र विद्यालयका महत्वपूर्ण उपलब्धिहरूलाई समेटेर कार्यक्रम सम्पन्न गरिएको हो।

कार्यक्रमको उद्घाटन प्रमुख अतिथि निजी तथा आवासीय विद्यालय अर्गनाइजेसन नेपाल (PABSON) का केन्द्रीय उपाध्यक्ष श्री ईश्वर बहादुर गुरुङले गर्नु भएको थियो। कार्यक्रमका विशिष्ट अतिथिहरूमा नेपाल स्काउटका राष्ट्रिय आयुक्त श्री देवराज घिमिरे, सगरमाथा लगायत विश्वका ११ वटा उच्च हिमाल आरोहण गर्नुभएका श्री प्रकाशराज पाण्डे, PABSON ललितपुरका अध्यक्ष श्री ताराप्रसाद खनाल, महालक्ष्मी नगरपालिका वडा नं. ६ का वडा सदस्य श्री सुशान महर्जन, महालक्ष्मी नगरपालिका शिक्षा समितिका सदस्य एवम् सिद्धिमंगल मा.वि.का प्रधानाध्यापक श्री मिनबहादुर अछामी PABSON महालक्ष्मी नगरपालिका समितिका अध्यक्ष श्री मिलन शाक्य, अस्मिता इङ्गलिस स्कुलका प्रिन्सिपल श्री विनोद दुलाल, नेपाल डन बस्को स्कुलका प्रिन्सिपल फादर बिनु ज्याकोब, हाम्रो बचत तथा ऋण सहकारीका अध्यक्ष श्री श्यामकृष्ण घिमिरे, ब्रहमपुरी सहकारीका अध्यक्ष श्री रामशरण घिमिरे, महेन्द्र ग्राम मा.वि.का प्रिन्सिपल श्री भरतबाबु खनाल र माउण्ट ओलिभ स्कुलका प्रिन्सिपल श्री विशाल याम्फुको उपस्थिति रहेको थियो।

विद्यार्थीहरूले आफ्नो प्रतिभा प्रदर्शन गर्दै विविध सांस्कृतिक कार्यक्रम प्रस्तुत गरे। कार्यक्रममा सामूहिक तथा एकल नृत्य, गीत, नाटक, चुट्किला र कविता वाचन जस्ता प्रस्तुतीकरणहरू राखिएका थिए। विद्यार्थीहरूद्वारा प्रस्तुत गरिएको लोक, आधुनिक तथा समसामयिक सांस्कृतिक नृत्यले कार्यक्रममा उपस्थित अभिभावकहरूलाई विशेष मनोरञ्जन प्रदान गरेको थियो। विद्यालयले यस अवसरमा शिक्षा क्षेत्रमा महत्वपूर्ण योगदान पुर्‍याएका व्यक्तित्वहरूलाई सम्मानित गर्‍यो। सम्मानित व्यक्तित्वहरूमा श्री देवराज घिमिरे, श्री प्रकाशराज पाण्डे र श्री ताराप्रसाद खनाल रहनुभएको थियो। विद्यालयले उहाँहरूको योगदानप्रति आभार व्यक्त गर्दै सम्मानपत्र प्रदान गरेको थियो।

विद्यालयका प्रिन्सिपल श्री गोपालप्रसाद घिमिरेले विद्यालयको वार्षिक प्रगति विवरण प्रस्तुत गर्दै शैक्षिक, भौतिक र सहशैक्षिक गतिविधिहरूमा विद्यालयले प्राप्त गरेका उपलब्धिहरूलाई उल्लेख गर्नुभयो। उहाँले विद्यालयको शैक्षिक सुधार, छात्रवृत्ति कार्यक्रम, अतिरिक्त क्रियाकलाप तथा विद्यार्थीहरूको समग्र विकासका क्षेत्रमा विद्यालयले खेलेको भूमिकाबारे जानकारी गराउनुभयो। प्रमुख अतिथि श्री ईश्वर बहादुर गुरुङले विद्यालयको प्रगतिमा प्रशंसा व्यक्त गर्दै भविष्यमा अझ उत्कृष्ट कार्य गर्न शुभकामना व्यक्त गर्नुभयो। उहाँले गुणस्तरीय शिक्षा, विद्यार्थीहरूको सिर्जनात्मक क्षमताको विकास र विद्यालय व्यवस्थापन समितिको भूमिकालाई उच्च सम्मान दिनुभयो।

कार्यक्रम विद्यालय व्यवस्थापन समितिका सदस्य श्री जगदीश्वर कार्कीको सभापतित्वमा सम्पन्न भएको थियो। सभापतिज्यूले कार्यक्रम सफल बनाउन योगदान पु¥याउने सम्पूर्ण अतिथि, शिक्षक, अभिभावक, विद्यार्थी तथा विद्यालय परिवारप्रति हार्दिक धन्यवाद व्यक्त गर्नुभयो। अनन्त इङ्गलिस स्कुलले विद्यालयको ऐतिहासिक क्षणलाई विशेष रूपमा सफल बनाउन सहयोग गर्ने सम्पूर्ण अतिथिहरू, अभिभावक, विद्यार्थी तथा शुभेच्छुकप्रति हार्दिक आभार व्यक्त गरेको छ। विद्यालयले आगामी दिनमा गुणस्तरीय शिक्षा प्रदान गर्दै सामुदायिक र सामाजिक विकासमा सक्रिय भूमिका निर्वाह गर्ने प्रतिवद्धता व्यक्त गरेको छ।